Croeso i wefan y Cod Cefn Gwlad ar gyfer Cymru a Lloegr
Y Cod Cefn Gwlad yw eich canllaw i’r awyr agored. Pa un a ydych chi yng nghefn gwlad, yn mwynhau’r arfordir, ein dyfrffyrdd neu barc trefol, mae’r cod yno i’ch helpu i’ch tywys trwy natur.
Cyflwynwyd y Cod Cefn Gwlad ym 1951 fel diwygiad yn Neddf Parciau Cenedlaethol a Mynediad i Gefn Gwlad 1949. Yn 2004, cafodd ei ail-frandio’n God Cefn Gwlad. Fe’i rheolir gan Natural England a Cyfoeth Naturiol Cymru.
Er mwyn cael rhagor o wybodaeth am sut i Barchu, Diogelu a Mwynhau natur daliwch ati i sgrolio, a gallwch ddod o hyd i fanylion ar y ffordd orau o ddilyn y Cod Cefn Gwlad, a dolenni i rai o’n hasedau.
Cyngor ac arweiniad defnyddiol i gael amser da a diogel yn yr awyr agored
Sbwriel
Ewch â sbwriel adref – peidiwch â gadael unrhyw ôl o’ch ymweliad.
Cŵn
Cadwch gŵn dan reolaeth ac o fewn golwg bob amser. Bagiwch a biniwch faw cŵn.
Cynlluniwch eich Antur
Dylech wybod beth i’w ddisgwyl a beth y gallwch ei wneud.
Gofalwch am Fyd Natur
Peidiwch â difrodi na tharfu a pheidiwch â gadael unrhyw ôl o’ch ymweliad.
Da Byw a Bywyd Gwyllt
Peidiwch â bwydo da byw, ceffylau neu anifeiliaid gwyllt oherwydd gall hyn achosi niwed iddynt.
Tanau
Os nad ydych chi’n siŵr, peidiwch â chynnau tân. Dim ond mewn ardaloedd cyfyngedig y caniateir barbeciws a thanau gwersyll. Gwiriwch yn gyntaf.
Marchogion
Dilynwch arwyddbyst ac arwyddion lleol. Dylai defnyddwyr eraill ildio i farchogion.
Cwrteisi
Byddwch yn gyfeillgar, rhannwch y lle gyda phob defnyddiwr.
Beicwyr
Dilynwch arwyddbyst ac arwyddion lleol. Ildiwch i gerddwyr a marchogion.
Teithio a Pharcio
Ystyriwch ddefnyddio trafnidiaeth gyhoeddus. Parciwch yn ystyriol drwy beidio â rhwystro mynedfeydd, dreifiau neu fannau parcio hygyrch.
Hygyrchedd
Ystyriwch anghenion a gallu pob defnyddiwr pan fyddwch yn yr awyr agored.
Dilynwch Arwyddion Lleol
Dysgwch am yr arwyddion a symbolau sy’n cael eu defnyddio yng nghefn gwlad.
Darllenwch y Cod Cefn Gwlad
Y Cod Cefn Gwlad ar gyfer Cymru
Mae'r Cod Cefn Gwlad wedi cael ei gyfieithu i ieithoedd eraill
Ewch i’n tudalen Ieithoedd Eraill i’w lawrlwytho nhw.cynnig rhywbeth i bawb. Er mwyn i ni i gyd allu mwynhau treulio amser ym myd natur, mae’n bwysig ein bod ni’n parchu ac yn gwarchod ein mannau naturiol.
Cod Cefn Gwlad - atebion i'ch cwestiynau
Cliciwch ar un o'r dolenni isod lle cewch ragor o wybodaeth am sut i Barchu, Diogelu a Mwynhau.
- Ym mhle mae'r Cod Cefn Gwlad yn berthnasol?
- Sut alla i gysylltu â chi?
- Oes gennych chi unrhyw ddeunydd papur y gallaf gael mynediad iddo?
- Ble alla i weld cyfryngau cymdeithasol y Cod Cefn Gwlad?
Ym mhle mae'r Cod Cefn Gwlad yn berthnasol?
Cynhyrchir y Cod ar y cyd gan Cyfoeth Naturiol Cymru a Natural England ac mae’n berthnasol yn y ddwy wlad.
Sut alla i gysylltu â chi?
Gallwch gysylltu â ni drwy e-bostio ymholiadau@cyfoethnaturiol.cymru neu Countryside.Code@naturalengland.org.uk
Oes gennych chi unrhyw ddeunydd papur y gallaf gael mynediad iddo?
Gallwch lawrlwytho ac argraffu’r ffeiliau hyn:
Ble alla i weld cyfryngau cymdeithasol y Cod Cefn Gwlad?
Er mwyn cael postiadau yn Gymraeg, dilynwch @natreswales ar Facebook ac Instagram. Gallwch hefyd chwilio am bostiadau gan ddefnyddio #CodCefnGwlad a #ParchuDiogeluMwynhau
Er mwyn caell postiadau yn Saesneg, dilynwch @natreswales a @thecountrysidecode ar Facebook ac Instagram.
Y Cod Cefn Gwlad ar gyfer Cymru
Y Cod Cefn Gwlad ar gyfer Lloegr ar GOV.UK
Eisiau dysgu mwy?
Ewch i’n tudalennau Cod Cefn Gwlad eraill