Grantiau Ieuenctid

Bydd rhaid i brosiectau gael Sefydliad Cefnogol gyda pherson cyswllt enwebedig i weithio gyda nhw.   

Nid yw Tyfu’n Wyllt yn gallu gwneud taliadau i unigolion - felly, bydd Sefydliadau Cefnogol cymwys yn derbyn y grant ar ran yr ymgeisydd y maent yn ei gynorthwyo.   

Tra y bydd tîm Tyfu’n Wyllt yn cynnig cefnogaeth gyffredinol i’r bobl ifanc, bydd arweiniad ar reoli’r prosiect o ddydd-i-ddydd yn rhan o gyfrifoldeb y Sefydliad Cefnogol.   

Ar wahân i bobl ifanc sydd ag anghenion ychwanegol, neu sydd angen mwy o gefnogaeth, byddwn yn annog y person ifanc sy’n ymgeisio i fod yn gyfrifol am eu prosiect.   

Gall Sefydliadau Cefnogol gynorthwyo nifer o brosiectau, cyn belled â’u bod yn gwbl unigol. 

Fel Sefydliad Cefnogol bydd rhaid ichi:  

1. Fod yn sefydliad hirsefydlog a pherthnasol sydd â diben elusennol neu nid-er-elw. Yn benodol:   

• Grŵp gwirfoddol, ieuenctid neu gymunedol   
• Corff addysgol   
• elusen gelfyddydol neu amgylcheddol   
• Awdurdod Lleol neu gorff cyngor arall   
• Awdurdod Iechyd   

2. Gallu darparu aelod o staff neu wirfoddolwr/wraig:   

• i gyfathrebu gyda Tyfu’n Wyllt   
• i gefnogi’r person ifanc / grŵp fel bo angen, e.e. defnyddio cyfleusterau ac offer, rhoi cyhoeddusrwydd i weithgareddau, darparu cyngor ac arweiniad, diogelu unigolion dan 18 oed neu oedolion bregus   
• fydd ar gael trwy oes llawn y prosiect   

Ni all yr aelod hwn o staff fod ag unrhyw gysylltiad teuluol gyda’r person ifanc sy’n cwblhau’r prosiect. 

3. Bod yn ariannol gyfrifol am y prosiect gyda:   

• chyfrif banc yn enw eu sefydliad, neu yn enw awdurdod lleol / corff sector cyhoeddus arall, ble fo’n briodol   

NID yw’r sefydliadau canlynol yn gymwys:   

• Busnesau preifat sy’n gweithredu er elw ac sydd â dim diben cymdeithasol   
• Sefydliadau sydd â phwrpas masnachol yn unig 

1. Cynorthwyo gyda’r cais a rheoli’r grant:   
    

• Cefnogi’r person ifanc gyda chynllunio eu prosiect a pharatoi eu cais.   
• Mae rhaid ichi ddarparu copi o bolisi a gweithdrefnau diogelu plant ac oedolion agored i niwed eich sefydliad i’r ymgeisydd. Yna, bydd angen i’r ymgeisydd uwchlwytho hwn i’w ffurflen gais.
• Sicrhau bod caniatâd ysgrifenedig yn ei le gan berchennog neu reolwr unrhyw ofodau neu leoliadau ble trosglwyddir gweithgareddau’r prosiect.   
• Derbyn y grant ar ran y person ifanc.   
• Sicrhau bod y cyllid yn cael ei wario fel yr amlinellir yn y cais ac yn unol â chanllawiau Tyfu’n Wyllt.   

Sylwer – ni all Tyfu’n Wyllt gefnogi prosiectau tyfu a drosglwyddir mewn ardaloedd agored o gefn gwlad, neu ardaloedd cadwraeth neu a warchodir, fel Safleoedd o Ddiddordeb Gwyddonol Arbennig (SoDdGA).   

Yn ogystal, ni all Tyfu’n Wyllt ariannu prosiectau sy’n galw am ganiatâd cynllunio, oherwydd amserlen y rhaglen.   

2. Cyfathrebu a goruchwylio:

• Cefnogi’r person ifanc gyda throsglwyddiad y prosiect o ddydd-i-ddydd, gan gynnwys cwrdd gyda’r person ifanc yn rheolaidd i drafod y prosiect a darparu cyngor ac arweiniad fel bo angen.  
• Cysylltwch gyda Tyfu’n Wyllt os dewch i wybod nad yw’r prosiect yn cael ei drosglwyddo fel y trefnwyd.   

3. Iechyd, diogelwch a hygyrchedd:   

• Trafod a chynllunio gyda’r person ifanc sut gaiff y prosiect ei drosglwyddo’n ddiogel.  
• Sicrhau iechyd, diogelwch, a lles pawb sy’n cyfranogi trwy gydol oes y prosiect, yn cynnwys diogelu pobl ifanc dan 18 oed ac oedolion bregus.    
• Sicrhewch bod y prosiect yn hygyrch i bawb sy’n cyfranogi, yn cynnwys rhai sydd ag anghenion cefnogaeth ychwanegol.    

4. Cyflwyno dogfennau       

Bydd angen i Tyfu’n Wyllt weld copi o’r dogfennau canlynol cyn y gellir rhyddhau’r cyllid:   

• Cyfansoddiad (neu ddogfen debyg a gytunwyd gan y Sefydliad Cefnogol) yn amlinellu pwrpas ac amcanion y sefydliad, neu dystiolaeth bod y sefydliad yn rhan o awdurdod lleol neu gorff sector cyhoeddus arall.   
• Polisi a gweithdrefnau diogelu.   

Mae’n bosibl y gofynnir hefyd am ddogfennau ychwanegol a thystiolaeth o wiriadau datgelu perthnasol (sy’n benodol i’r wlad unigol) os bydd cais yn llwyddiannus:   

• Polisi cyfle cyfartal.   
• Polisi a gweithdrefnau iechyd a diogelwch.   
• Yswiriant atebolrwydd cyhoeddus sy’n addas ar gyfer y prosiect arfaethedig.   
• Canllawiau gwirfoddoli.   
• Caniatâd ysgrifenedig gan berchennog neu reolwr unrhyw ofodau neu leoliadau ble trosglwyddir gweithgareddau’r prosiect. 

Mewn achosion ble mae’r prosiect yn cynnwys pobl ifanc dan 18 oed a / neu oedolion bregus, bydd gan y Sefydliad Cefnogol y cyfrifoldebau ychwanegol canlynol:   

1. Sicrhau bod caniatâd rhiant / gwarcheidwad yn ei le er mwyn i:   

• Bobl ifanc ymgeisio, arwain a chymryd rhan mewn gweithgareddau a drosglwyddir fel rhan o’r prosiect (*gweler y nodyn isod).  
• Pobl ifanc i ymddangos yn y fideo cais.   

2. Gwiriadau datgelu a diogelu:  

• sicrhau bod pob aelod o staff a’r holl wirfoddolwyr sy’n gweithio gyda’r prosiect, wedi derbyn gwiriad datgelu (sy’n berthnasol i’w lleoliad yn y DU a’r gweithgareddau dan sylw) a’u bod wedi derbyn hyfforddiant priodol i gefnogi’r grŵp a’i weithgareddau.   
• diogelu plant dan 18 oed a / neu oedolion bregus tra eu bod yn cymryd rhan yn y prosiect (yn cynnwys unrhyw weithgarwch perthnasol ar-lein ac ar y cyfryngau cymdeithasol).   

* Oherwydd polisïau diogelu plant a diogelu data Kew, ble fo arweinydd y prosiect dan 18 oed, bydd Tyfu’n Wyllt wastad yn cysylltu gyda chi fel y Sefydliad Cefnogol ym mhob gohebiaeth am gais arweinydd y prosiect ac, os yn llwyddiannus, y prosiect ei hun.  

** Os ydych yn cefnogi cais oddi wrth berson ifanc sydd ag anghenion cefnogaeth ychwanegol, cofiwch gysylltu gyda Tyfu’n Wyllt. Mae hyn fel y gallwn drafod y ffordd orau i Tyfu’n Wyllt gefnogi a chyfathrebu gyda nhw am eu prosiect.   

Gwahoddir pob ymgeisydd llwyddiannus i gwblhau y dyfarniad newydd Gwobr Arweinydd Amgylcheddol Ifanc Kew (YELA) ochr-yn-ochr â’u prosiect. Mae’r wobr hon yn anelu i atgyfnerthu arweinyddion ifanc, gan gynyddu eu sgiliau a’u hyder i yrru newid amgylcheddol yn eu cymunedau. Mae’r wobr, sydd wedi ei dylunio i alinio’n berffaith gyda’u Prosiect Ieuenctid Tyfu’n Wyllt, yn sicrhau y bydd ymgeiswyr llwyddiannus yn gwneud y mwyaf o’r cyfle grant ac yn derbyn cydnabyddiaeth oddi wrth Erddi Botaneg Brenhinol, Kew i’w ychwanegu i’w CV neu bortffolio.  

Mae cofrestru ar gyfer y wobr yn ddewisol, ond rydym yn eich annog i gefnogi eich ymgeiswyr i gymryd rhan. Bydd Tyfu’n Wyllt yn darparu hyfforddiant ar-lein, adnoddau ac adborth. Mae eich rôl chi’n cynnwys cefnogaeth o ddydd-i-ddydd, ateb unrhyw gwestiynau a threfnu cyfarfodydd cynnydd, er mwyn sicrhau cwblhau’r wobr ar amser.  

Rydym wedi ymrwymo i sicrhau bod y cyfle hwn yn agored i bawb. Os ydych chi’n cefnogi person ifanc sydd ag anghenion ychwanegol neu oedolyn bregus, mae Tyfu’n Wyllt yn hapus i gynnig cymorth ychwanegol a threfniadau amgen ble fo angen.

Darllen fwy am Wobr Arweinydd Amgylcheddol Ifanc Kew