Dangosfyrddau pensiynau

Mae'r Gwasanaeth Arian a Phensiynau (MaPS) yn gweithio ar brosiect sydd â dau brif swyddogaeth:

• gwneud dangosfyrddau pensiynau'n bosibl - trwy greu'r llywodraethu, y seilwaith technegol a'r gwasanaethau gofynnol i gysylltu darparwyr a chynlluniau pensiwn, sy'n cael ei gyflwyno drwy'r Rhaglen Dangosfyrddau Pensiynau (PDP)
• darparu dangosfwrdd pensiynau am ddim, a gefnogir gan y llywodraeth - i'w lansio trwy HelpwrArian.

Nod y PDP yw cysylltu pobl â gwybodaeth am eu pensiynau trwy ddangosfyrddau, gan ganiatáu iddynt weld gwybodaeth am bensiynau gweithle, preifat a Phensiwn y Wladwriaeth gyda'i gilydd mewn un lle.

Er mwyn i ddangosfyrddau pensiynau weithio, mae angen i'r Adran Gwaith a Phensiynau, darparwyr pensiynau a chynlluniau pensiwn unigol allu cysylltu ag un ecosystem ddigidol.

Bydd cysylltu'r rhain i gyd yn caniatáu i ddangosfyrddau ddod â gwybodaeth pensiwn cynilwyr ynghyd mewn un lle.

Nod y PDP yw cysylltu tua 3,000 o ddarparwyr a chynlluniau pensiwn sydd o fewn cwmpas y ddeddfwriaeth â'r ecosystem yn 2025 a 2026.

Dyma pam mae'r PDP wedi bod yn:

• adeiladu'r isadeiledd digidol sydd ei angen i wneud i ddangosfyrddau pensiynau weithio
• datblygu safonau sy'n ymwneud â gweithrediad ymarferol gwasanaethau dangosfyrddau pensiynau a
• datblygu'r isadeiledd digidol sydd ei angen i'w cefnogi.

Dysgwch fwy am y rhaglen ar wefan y PDPYn agor mewn ffenestr newydd

Bydd y dangosfwrdd pensiynau cyntaf sydd ar gael i'r cyhoedd ar wefan HelpwrArianYn agor mewn ffenestr newydd - ein gwasanaeth canllawiau arian a phensiynau sy'n wynebu defnyddwyr. Bydd ar agor i bob cynilwr sydd â phensiwn wedi'i gronni yn y DU sydd:

• heb ei gyrchu eto, neu
• nad yw'n cael ei dalu ar hyn o bryd (ar gyfer Pensiwn y Wladwriaeth, rhaid i'r defnyddiwr fod o dan oedran Pensiwn y Wladwriaeth).

Drwy HelpwrArian rydym yn darparu canllawiau diduedd, sy'n golygu na fydd y dangosfwrdd yn gwerthu cynhyrchion ariannol ac na fydd yn cynnig cyngor ariannol. Fodd bynnag, bydd defnyddwyr yn cael eu cyfeirio at:

• yr ystod o ganllawiau pensiwn sydd ar gael ar HelpwrArianYn agor mewn ffenestr newydd
• opsiynau ar gyfer dod o hyd i gyngor ariannol sydd wedi’i reoleiddio a
• threfnu apwyntiad Pension Wise am ddimYn agor mewn ffenestr newydd, sydd ar gael i'r rhai dros 50 oed.

Ym mis Mawrth 2026, wnaethom gynnal ail gam y profion defnyddwyr. Bydd y cam hwn yn ein helpu i ddeall yn well sut mae pobl yn rhyngweithio â’r dangosfwrdd a’r gwerth y mae’n ei ddarparu. Bydd hefyd yn ein helpu i wneud gwelliannau i’r gwasanaeth cyn iddo gael ei lawnsio i’r cyhoedd.

Os ydych chi'n ddarparwr neu gynllun pensiwn, yn gyflogwr, yn elusen neu’n fusnes arall, gallwch helpu drwy wahodd eich aelodau neu’ch cwsmeriaid i gymryd rhan yn y profion.

Mae ein pecyn cyfathrebuYn agor mewn ffenestr newydd yn cynnwys popeth sydd ei angen arnoch i helpu pobl i gofrestru.

Bydd sefydliadau trydydd parti eraill a reoleiddir gan yr Awdurdod Ymddygiad Ariannol (FCA) yn gallu datblygu a chynnal eu dangosfyrddau eu hunain. Bydd y dangosfyrddau sector preifat hyn yn cael eu cyflwyno ar ôl i Ddangosfwrdd Pensiynau HelpwrArian gael ei wneud ar gael i'r cyhoedd.

Bydd PDP yn gosod safonau ar gyfer darparwyr dangosfyrddau sector preifat i sicrhau eu bod yn bodloni gofynion dylunio, diogelwch ac adrodd. Bydd y rhain yn rhedeg ochr yn ochr â rheolau'r FCA.

Dysgwch fwy am ein gwaith ynghylch safonau dangosfyrddau pensiynau.Yn agor mewn ffenestr newydd

Mae cyflwyno dangosfyrddau pensiynau yn cynnwys cydweithio â’r:

• diwydiant pensiynau
• rheoleiddwyr, fel y Rheoleiddiwr Pensiynau a'r FCA, a’r
• llywodraeth (yr Adran Gwaith a Phensiynau).

Rydym wedi ymgysylltu'n agos â'r sefydliadau hyn trwy weithgorau, gweminarau, cynadleddau a digwyddiadau wyneb yn wyneb.

Trwy'r cydweithrediad hwn, rydym yn codi ymwybyddiaeth o ddyletswyddau'r diwydiant o gwmpas dangosfyrddau pensiynau ac yn cael mewnwelediadau ac adborth gwerthfawr.

Gallwch gael y wybodaeth ddiweddaraf am y PDP ar ei wefan, sy'n cynnwys:

• yr adroddiad diweddaru cynnydd PDPYn agor mewn ffenestr newydd diweddaraf
• hwb gysylltu ar gyfer darparwyr a chynlluniau pensiwnYn agor mewn ffenestr newydd sy'n cysylltu ag ecosystem y dangosfwrdd pensiynau
• y cyhoeddiadau newyddion diweddarafYn agor mewn ffenestr newydd
• blogiauYn agor mewn ffenestr newydd a fideos esboniadolYn agor mewn ffenestr newydd ar amrywiaeth o bynciau
• gwybodaeth am ddigwyddiadau PDPYn agor mewn ffenestr newydd, gan gynnwys dolenni i recordiadau o weminarau.

Os oes gennych unrhyw gwestiynau am ddangosfyrddau pensiynau, gallwch gysylltu â ni trwy ein tudalen gymorth PDP.Yn agor mewn ffenestr newydd