Canllawiau

Cael help gydag eiddo ar eich Ffurflen Dreth Hunanasesiad

Dewch o hyd i wybodaeth ynghylch sut i lenwi’r adran ‘eiddo yn y DU’ ac adrannau eiddo eraill eich Ffurflen Dreth Hunanasesiad.

• Gan: Cyllid a Thollau EF
• Cyhoeddwyd: 22 Ionawr 2025
• Diweddarwyd ddiwethaf: 11 Medi 2025
  Show all updates

  1. 11 Medi 2025

     The webinar about filling in the UK property section of your tax return has been updated with the latest version.

  2. 15 Ebrill 2025

     Added Welsh translation

  3. 22 Ionawr 2025

     First published.

Bydd angen i chi ddatgan incwm o eiddo ar eich Ffurflen Dreth Hunanasesiad os yr ydych wedi ennill dros £1,000 o’r ffynhonellau canlynol:

• rhoi eiddo ar osod yn y DU neu dramor

• rhoi ystafelloedd wedi’u dodrefnu yn eich cartref eich hun ar osod

• llety gwyliau wedi’i ddodrefnu yn y DU neu’r Ardal Economaidd Ewropeaidd (AEE)

• premiymau sy’n codi o brydlesu tir yn y DU

Cyn llenwi’ch Ffurflen Dreth, gallwch wneud y canlynol:

• dysgu am lwfansau rhydd o dreth blynyddol ar gyfer incwm o eiddo neu incwm masnachu
• cyfrifo eich incwm rhent os ydych yn rhoi eiddo ar osod (yn agor tudalen Saesneg)
• dysgwch a allwch hawlio lwfansau cyfalaf ar gyfer strwythurau ac adeiladau

Taflenni cymorth ar gyfer llenwi’ch Ffurflen Dreth

Mae taflenni cymorth yn darparu gwybodaeth i’ch helpu i lenwi’ch Ffurflen Dreth Hunanasesiad, megis:

• gwirio a ydych yn gymwys ar gyfer rhyddhad penodol
• cyfrifo ffigurau y bydd angen i chi eu cynnwys yn eich Ffurflen Dreth

Rhoi eiddo ar osod

Darllenwch y taflenni cymorth i gael rhagor o wybodaeth am y canlynol:

• y Cynllun Rhentu Ystafell (HS223)(yn agor tudalen Saesneg)
• rheolau treth i llety gwyliau wedi’i ddodrefnu (HS253)(yn agor tudalen Saesneg)

Rhyddhadau Treth

Darllenwch y taflenni cymorth i gael rhagor o wybodaeth am y canlynol:

• y terfyn ar ryddhadau Treth Incwm (HS204)(yn agor tudalen Saesneg)

• pryd y gallwch hawlio rhyddhad colledion tir amaethyddol (HS251)(yn agor tudalen Saesneg)

Lwfansau cyfalaf

Darllenwch y daflen gymorth ynghylch lwfansau cyfalaf a thaliadau mantoli (HS252)(yn agor tudalen Saesneg).

Fideos YouTube CThEF

Rhestr o fideos ynghylch eiddo yn y DU ar ein sianel YouTube

Gwyliwch restr chwarae o fideos YouTube ynghylch incwm o eiddo yn y DU (yn agor tudalen Saesneg) ar eich Ffurflen Dreth. Byddwch yn dysgu am y canlynol:

• llenwi’ch Ffurflen Dreth os oes gennych incwm o eiddo

• rhyddhad Rhentu Ystafell

• rhoi eiddo ar osod ar y cyd

• y lwfans incwm o eiddo

• rhentu, ardrethi, yswiriant a rhent tir

• gwaith atgyweirio a chynnal a chadw eiddo

• llog benthyciad a chostau ariannol eraill

• treuliau eiddo caniataol eraill

Gweminar a recordiwyd ynghylch eiddo yn y DU

Gwyliwch fideo o weminar a recordiwyd ynghylch adran ‘eiddo yn y DU’ eich Ffurflen Dreth ar-lein (yn agor tudalen Saesneg).

Byddwch yn dysgu am y canlynol:

• rhyddhad Rhentu Ystafell

• rhoi eiddo ar osod ar y cyd

• llety gwyliau wedi’i ddodrefnu

• treuliau a lwfansau

Ffurflen Dreth ar bapur

Os ydych yn llenwi Ffurflen Dreth ar bapur, efallai y bydd angen i chi ddefnyddio tudalennau atodol SA105 er mwyn cofnodi incwm o eiddo yn y DU ar eich Ffurflen Dreth SA100.