Skip to main content

Talu eich bil Treth Gorfforaeth

Printable version

1. Trosolwg

Bydd y dyddiad cau ar gyfer eich taliad yn dibynnu ar eich elw trethadwy.

Mae’r canllaw hwn hefyd ar gael yn Saesneg.

Elw trethadwy hyd at £1.5 miliwn

Mae’n rhaid i chi dalu’ch Treth Gorfforaeth 9 mis ac 1 diwrnod ar ôl diwedd eich cyfnod cyfrifyddu. Fel arfer, eich cyfnod cyfrifyddu yw’ch blwyddyn ariannol, ond mae’n bosibl y bydd gennych 2 gyfnod cyfrifyddu yn ystod y flwyddyn y gwnaethoch sefydlu’ch cwmni (yn agor tudalen Saesneg).

Elw trethadwy dros £1.5 miliwn

Mae’n rhaid i chi dalu’ch Treth Gorfforaeth fesul rhandaliad.

Gwiriwch y rheolau a’r dyddiadau cau:

Talu cosbau Treth Gorfforaeth

Codir cosbau am gyflwyno’n hwyr (yn agor tudalen Saesneg) arnoch os na fyddwch yn cyflwyno’ch Ffurflen Dreth y Cwmni mewn pryd, hyd yn oed os nad oes treth i’w thalu.

Talwch gosbau gan ddefnyddio:

  • unrhyw un o’r dulliau sydd ar gael i dalu
  • y cyfeirnod talu Treth Gorfforaeth 17 cymeriad ar gyfer y cyfnod cyfrifyddu y mae’r cosbau’n berthnasol iddo

Bydd eich cyfeirnod talu i’w weld:

  • ar eich ‘hysbysiad i gyflwyno’ch Ffurflen Dreth’
  • ar unrhyw nodynnau atgoffa gan CThEF
  • drwy gyfrif ar-lein CThEF eich cwmni

Os byddwch yn defnyddio’r cyfeirnod anghywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth gwahanol sydd arnoch. Os yw’ch taliad wedi talu’r bil treth anghywir, gallwch gysylltu ag ymholiadau cyffredinol Treth Gorfforaeth (yn agor tudalen Saesneg) er mwyn gofyn i’ch taliad gael ei symud.

Dulliau o dalu

Sicrhewch eich bod yn talu Cyllid a Thollau EF (CThEF) erbyn y dyddiad cau. Efallai y bydd yn codi llog arnoch (yn agor tudalen Saesneg) os na fyddwch yn talu mewn pryd. Bydd yn talu llog i chi (yn agor tudalen Saesneg) os byddwch yn talu’ch treth yn gynnar.

Talu nawr

Dewiswch y ffordd o dalu sy’n caniatáu digon o amser i’ch taliad glirio.

Ni allwch dalu Treth Gorfforaeth drwy’r post.

Ar yr un diwrnod neu’r diwrnod nesaf

3 diwrnod gwaith

5 diwrnod gwaith

Os bydd y dyddiad cau ar benwythnos neu ar ŵyl banc, gwnewch yn siŵr bod eich taliad yn dod i law CThEF erbyn y diwrnod gwaith olaf cyn hynny (oni bai eich bod yn talu drwy Daliadau Cyflymach gan ddefnyddio bancio ar-lein neu dros y ffôn).

2. Debyd Uniongyrchol

Gallwch sefydlu a gwneud newidiadau i Ddebyd Uniongyrchol drwy gyfrif ar-lein Cyllid a Thollau EF (CThEF) eich cwmni.

Defnyddiwch eich cyfeirnod talu Treth Gorfforaeth, sy’n 17 o gymeriadau, ar gyfer y cyfnod cyfrifyddu yr ydych yn talu amdano.

Gallwch gael hyd i’ch cyfeirnod:

  • ar eich ‘hysbysiad i gyflwyno’ch Ffurflen Dreth’ neu ar unrhyw nodynnau atgoffa gan CThEF
  • yng nghyfrif ar-lein CThEF eich cwmni – dewiswch ‘Bwrw golwg dros eich datganiad Treth Gorfforaeth’, ‘cyfnodau cyfrifyddu’, yna dewiswch y cyfnod cywir

Mae’ch cyfeirnod talu’n newid gyda phob cyfnod cyfrifyddu, felly bydd angen i chi ddefnyddio un gwahanol bob tro y byddwch yn talu.

Os byddwch yn defnyddio’r cyfeirnod anghywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth gwahanol sydd arnoch. Os yw’ch taliad wedi talu’r bil treth anghywir, gallwch gysylltu ag ymholiadau cyffredinol Treth Gorfforaeth (yn agor tudalen Saesneg) er mwyn gofyn i’ch taliad gael ei symud.

Ni allwch ddefnyddio Debyd Uniongyrchol ar gyfer taliadau dros £20 miliwn. Mae’n rhaid i chi ddefnyddio dull arall o dalu.

Faint o amser y mae’n ei gymryd

Caniatewch 5 diwrnod gwaith i brosesu Debyd Uniongyrchol pan fyddwch yn trefnu un am y tro cyntaf.

Unwaith y byddwch wedi awdurdodi Debyd Uniongyrchol gan CThEF yn barod, dylai gymryd 3 diwrnod gwaith bob tro y byddwch yn talu.

Bydd y taliadau’n ymddangos ar eich cyfriflenni banc fel ‘HMRC NDDS’.

Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch â’ch banc ei fod wedi’i drefnu o hyd.

3. Cymeradwyo taliad gan ddefnyddio’ch cyfrif bancio ar-lein

Gallwch dalu’ch bil Treth Gorfforaeth yn uniongyrchol gan ddefnyddio’ch cyfrif bancio ar-lein neu’ch cyfrif bancio symudol.

Pan fyddwch yn barod i dalu, dechreuwch eich taliad Treth Gorfforaeth.

Dewiswch yr opsiwn ‘talu drwy gyfrif banc’. Yna, bydd gofyn i chi fewngofnodi i’ch cyfrif bancio ar-lein, neu’ch cyfrif bancio symudol, i gymeradwyo taliad i ‘HMRC Shipley’.

Defnyddiwch eich cyfeirnod talu Treth Gorfforaeth, sy’n 17 o gymeriadau, ar gyfer y cyfnod cyfrifyddu yr ydych yn talu amdano.

Gallwch gael hyd i’ch cyfeirnod:

  • ar eich ‘hysbysiad i gyflwyno’ch Ffurflen Dreth’ neu ar unrhyw nodynnau atgoffa gan Gyllid a Thollau EF (CThEF)
  • yng nghyfrif ar-lein CThEF eich cwmni – dewiswch ‘bwrw golwg dros eich cyfrif’, ‘cyfnod cyfrifyddu’, ac yna dewiswch y cyfnod cywir

Mae’ch cyfeirnod talu’n newid gyda phob cyfnod cyfrifyddu, felly bydd angen i chi ddefnyddio un gwahanol bob tro y byddwch yn talu.

Os byddwch yn defnyddio’r cyfeirnod anghywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth gwahanol sydd arnoch. Os yw’ch taliad wedi talu’r bil treth anghywir, gallwch gysylltu ag ymholiadau cyffredinol Treth Gorfforaeth (yn agor tudalen Saesneg) er mwyn gofyn i’ch taliad gael ei symud.

Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.

Bydd angen i chi fod â’ch manylion bancio ar-lein wrth law er mwyn talu drwy’r dull hwn.

4. Gwneud trosglwyddiad banc ar-lein neu dros y ffôn

Mae’r ffordd rydych yn talu yn dibynnu a ydych yn defnyddio cyfrif banc yn y DU neu dramor.

Cyfrif banc yn y DU

Gallwch wneud trosglwyddiad banc gan ddefnyddio Taliadau Cyflymach, CHAPS neu Bacs:

  • drwy’ch cyfrif banc ar-lein
  • gan ffonio’ch banc

Bydd eich ‘hysbysiad i gyflwyno’ch Ffurflen Dreth’ neu unrhyw nodynnau atgoffa gan Gyllid a Thollau EF (CThEF) yn rhoi gwybod i chi i ba gyfrif y dylech dalu. Os nad ydych yn siŵr, defnyddiwch HMRC Cumbernauld.

  • cod didoli: 08 32 10
  • rhif y cyfrif: 12001039
  • enw’r cyfrif - HMRC Cumbernauld

Neu:

  • cod didoli: 08 32 10
  • rhif y cyfrif: 12001020
  • enw’r cyfrif - HMRC Shipley

Cyfrif banc tramor

Defnyddiwch y manylion hyn er mwyn talu o gyfrif tramor.

  • rhif y cyfrif (IBAN) - GB62 BARC 2011 4770 2976 90
  • Cod Adnabod y Busnes (BIC) - BARCGB22
  • enw’r cyfrif - HMRC Cumbernauld

Neu:

  • rhif y cyfrif (IBAN) - GB03 BARC 2011 4783 9776 92
  • Cod Adnabod y Busnes (BIC) - BARCGB22
  • enw’r cyfrif - HMRC Shipley

Dylech wneud pob taliad dramor mewn punnoedd sterling. Mae’n bosibl y bydd eich banc yn codi tâl arnoch os byddwch yn defnyddio unrhyw arian cyfred arall.

Cyfeirnod

Defnyddiwch eich cyfeirnod talu Treth Gorfforaeth, sy’n 17 o gymeriadau, ar gyfer y cyfnod cyfrifyddu yr ydych yn talu amdano.

Mae’ch cyfeirnod talu’n newid gyda phob cyfnod cyfrifyddu, felly bydd angen i chi ddefnyddio un gwahanol bob tro y byddwch yn talu.

Os ydych wedi talu drwy drosglwyddiad banc yn y gorffennol ac wedi cadw CThEF fel talai, bydd eich banc wedi cadw’r cyfeirnod diwethaf i chi ei ddefnyddio yn awtomatig. Bydd angen i chi ddiweddaru hwn efo’r cyfeirnod cywir.

Gallwch gael hyd i’ch cyfeirnod:

  • ar eich ‘hysbysiad i gyflwyno’ch Ffurflen Dreth’ neu ar unrhyw nodynnau atgoffa gan CThEF
  • yng nghyfrif ar-lein CThEF eich cwmni – dewiswch ‘Bwrw golwg dros eich datganiad Treth Gorfforaeth’, ‘cyfnodau cyfrifyddu’, yna dewiswch y cyfnod cywir

Os byddwch yn defnyddio’r cyfeirnod anghywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth gwahanol sydd arnoch. Os yw’ch taliad wedi talu’r bil treth anghywir, gallwch gysylltu ag ymholiadau cyffredinol Treth Gorfforaeth (yn agor tudalen Saesneg) er mwyn gofyn i’ch taliad gael ei symud.

Cyfeiriad bancio

Barclays Bank PLC
1 Churchill Place
London
United Kingdom
E14 5HP

Faint o amser y mae’n ei gymryd

Fel arfer, bydd taliadau a wneir gan ddefnyddio Taliadau Cyflymach (bancio ar-lein neu dros y ffôn) yn cyrraedd CThEF ar yr un diwrnod neu’r diwrnod nesaf, gan gynnwys ar benwythnosau a gwyliau banc.

Fel arfer, bydd taliadau CHAPS yn cyrraedd CThEF ar yr un diwrnod gwaith os byddwch yn talu yn unol ag amserau prosesu’ch banc.

Fel arfer, bydd taliadau Bacs yn cymryd 3 diwrnod gwaith.

Gwiriwch derfynau trosglwyddo ac amserau prosesu’ch banc cyn i chi wneud taliad.

Taliadau lluosog drwy CHAPS

I wneud un taliad sy’n cwmpasu sawl cwmni ar gyfer yr un cyfnod cyfrifyddu:

5. Â cherdyn debyd neu gerdyn credyd corfforaethol ar-lein

Gallwch dalu ar-lein.

Bydd ffi yn cael ei chodi os talwch â cherdyn credyd corfforaethol neu gerdyn debyd corfforaethol. Nid yw’r ffi yn ad-daladwy.

Ni fydd ffi yn cael ei chodi os talwch â cherdyn debyd personol.

Ni allwch dalu â cherdyn credyd personol.

Bydd Cyllid a Thollau EF (CThEF) yn derbyn eich taliad ar y dyddiad y gwnewch y taliad (hyd yn oed ar wyliau banc a phenwythnosau) – nid y dyddiad y mae’n cyrraedd cyfrif CThEF.

Os na allwch dalu’ch bil Treth Gorfforaeth yn llawn â cherdyn, dylech ddefnyddio dull arall o dalu.

Cyfeirnod

Defnyddiwch eich cyfeirnod talu Treth Gorfforaeth, sy’n 17 o gymeriadau, ar gyfer y cyfnod cyfrifyddu yr ydych yn talu amdano.

Gallwch gael hyd i’ch cyfeirnod:

  • ar eich ‘hysbysiad i gyflwyno’ch Ffurflen Dreth’ neu ar unrhyw nodynnau atgoffa gan CThEF
  • yng nghyfrif ar-lein CThEF eich cwmni – dewiswch ‘Bwrw golwg dros eich datganiad Treth Gorfforaeth’, ‘cyfnodau cyfrifyddu’, yna dewiswch y cyfnod cywir

Mae’ch cyfeirnod talu’n newid gyda phob cyfnod cyfrifyddu, felly bydd angen i chi ddefnyddio un gwahanol bob tro y byddwch yn talu.

Os byddwch yn defnyddio’r cyfeirnod anghywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth gwahanol sydd arnoch. Os yw’ch taliad wedi talu’r bil treth anghywir, gallwch gysylltu ag ymholiadau cyffredinol Treth Gorfforaeth (yn agor tudalen Saesneg) er mwyn gofyn i’ch taliad gael ei symud.

6. Yn eich banc neu’ch cymdeithas adeiladu

Dim ond os oes gennych slip talu i mewn gan Gyllid a Thollau EF (CThEF) y gallwch dalu yn eich cangen ag arian parod neu siec.

Os ydych yn talu â siec, gwnewch hi’n daladwy i ‘Cyllid a Thollau EF yn unig’. Ysgrifennwch eich cyfeirnod talu Treth Gorfforaeth, sy’n 17 o gymeriadau, ar y cefn.

Gallwch gael hyd i’ch cyfeirnod:

  • ar eich ‘hysbysiad i gyflwyno’ch Ffurflen Dreth’ neu ar unrhyw nodynnau atgoffa gan CThEF
  • yng nghyfrif ar-lein CThEF eich cwmni – dewiswch ‘bwrw golwg dros eich cyfrif’, ‘cyfnod cyfrifyddu’, ac yna dewiswch y cyfnod cywir

Mae’ch cyfeirnod talu’n newid gyda phob cyfnod cyfrifyddu, felly bydd angen i chi ddefnyddio un gwahanol bob tro y byddwch yn talu.

Os byddwch yn defnyddio’r cyfeirnod anghywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth gwahanol sydd arnoch. Os yw’ch taliad wedi talu’r bil treth anghywir, gallwch gysylltu ag ymholiadau cyffredinol Treth Gorfforaeth (yn agor tudalen Saesneg) er mwyn gofyn i’ch taliad gael ei symud.

Bydd CThEF yn derbyn eich taliad ar y dyddiad y gwnewch y taliad, ac nid y dyddiad y mae’n cyrraedd cyfrif CThEF (cyn belled â’ch bod yn talu o ddydd Llun i ddydd Gwener).

Os nad oes gennych slip talu

Bydd angen i chi dalu drwy ddull arall yn lle hynny, er enghraifft:

7. Taliadau ar gyfer grŵp o gwmnïau

Os yw’ch cwmni mewn grŵp, gallwch dalu Treth Gorfforaeth o dan Drefniant Taliadau Grŵp (yn agor tudalen Saesneg).

Bydd Cyllid a Thollau EF (CThEF) yn anfon eich cyfeirnod talu Treth Gorfforaeth atoch.

8. Rhoi gwybod i CThEF nad oes taliad yn ddyledus

Rhowch wybod i Gyllid a Thollau EF (CThEF) os nad oes gennych unrhyw beth i’w dalu. Os na fyddwch yn gwneud hynny, bydd CThEF yn anfon atoch nodynnau atgoffa i dalu.

Mae’n rhaid i chi roi gwybod i CThEF drwy lenwi’r ffurflen ‘dim i’w dalu’ (yn agor tudalen Saesneg).

Mae’n rhaid i chi gyflwyno Ffurflen Dreth eich cwmni o hyd.

9. Gwirio bod eich taliad wedi dod i law

Gwiriwch eich cyfrif ar-lein Cyllid a Thollau EF (CThEF) i weld a yw’ch taliad wedi dod i law. Dylai gael ei ddiweddaru o fewn ychydig o ddiwrnodau wedi i’r taliad ddod i law CThEF.